Екібастұздық футболшылар жалақы қарызына байланысты жаттығуларын тоқтатты

Футбол 24 қыр 2024 11:49

Аружан Темірбек

sports24 сарапшы

“Екібастұз” ойыншылары жалақы мен сыйақылар бойынша қарыздардың өтелмеуіне наразылық ретінде жаттығуға шығудан бас тартты, деп хабарлайды Meta-ratings.kz сайты.

Клубтағы дереккөздің мәліметінше, кейбір футболшылар 2024 жылдың маусым айынан бері жалақы алмаған. Команда екі күн бойы жаттығу процесіне қатысқан жоқ.

Естеріңізге сала кетейік, “Екібастұз” Қазақстанның бірінші лигасында өнер көрсетіп, турнирлік кестеде 39 ұпаймен алтыншы орында тұр. Бұған дейін клубқа ҚПЛ-ға шығу міндеті қойылған еді.