Дьёкереш Чемпиондар лигасында Ибрагимовичтің рекордын қайталады

Футбол 06 қара 2024 06:15

Асылхан Тоқсанбек

sports24 сарапшы

"Спортинг" клубының шабуылшысы Виктор Дьёкереш Чемпиондар лигасының топтық кезеңінің 4-ші турында "Манчестер Сити" клубына (4:1) қарсы ойында хет-трик жасады, соның арқасында ол Златан Ибрагимовичтің осы басты еуропалық турнирдегі ұлттық жетістігін қайталады. Бұл туралы статистикалық портал Opta Sport хабарлады.

Дереккөздің ақпаратынша, 26 жастағы шабуылшы Чемпиондар лигасында бір матчта үш гол соққан екінші швед болып отыр. Ол бұл жетістігін Ибрагимовичтен кейін тіркеді. Айта кетсек, бұрынғы танымал шабуылшы 2013 жылы "ПСЖ" құрамында "Андерлехт" клубына (5:0) қарсы ойында төрт гол соққан болатын (хет-трик + гол).

Ағымдағы маусымда Дьёкереш барлық турнирлерде 17 матч өткізіп, 23 гол соғып, төрт нәтижелі пас берді. Оның клубпен қазіргі келісімшарты 2028 жылдың жазына дейін жалғасады, ал Transfermarkt порталының мәліметі бойынша, ойыншының нарықтық құны € 70 млн құрап отыр.