Әділет Барменқұлов:"Жауапты кездесуде Словенияны жеңе алатынымызға сенемін"
ҚФФ президенті Әділет Барменқұлов келесі кезеңде Қазақстан құрамасы Словенияны жеңе алатынына сенімді.
«Біз Ұлттар Лигасында қай дивизионда ойнайтынымызды жақсы түсінеміз. Сонымен қатар, ӘЧ-2026 іріктеу турнирі қарсаңында өз мүмкіндіктерімізді бағалау маңызды болды. Енді біз әлсіз тұстарымызды жақсырақ түсінеміз және Черчесов қажетті қорытындылар жасады. Бас бапкер командадағы мықты және әлсіз жақтарды атап өтті және қажетті түзетулер енгізетіні анық. Басқару тұрғысынан алғанда, маған бапкерлер штабының осы тәжірибені жинауы маңызды болды. Біз талантты спортшылар арқасында әрдайым жеңіске ұмтыламыз. Ешкімге жеңілу ұнамайды. Мен бұл матчтардан дұрыс қорытынды шығарғанымызға сенімдімін және жауапты кездесуде Словенияны жеңе алатынымызға сенемін», — деді президент.
Еске сала кетейік, Қазақстан құрамасы алдымен Норвегиямен тең ойнап (0:0), содан кейін Словенияға сырт алаңда 0:3 есебімен есе жіберді.
Ұлттар Лигасының келесі матчтары қазанда өтеді және Қазақстан Австрия және Словения құрамаларымен кездеседі.
Футбол
Бүгін 14:47
Хоккей
Бүгін 12:27