Әділет Барменқұлов қылмыстық іс бойынша күдікті деп танылмады

Футбол 03 сәу 2025 02:08

Наурызбай Қанатұлы

Қазақстан Республикасы Қаржылық мониторинг агенттігі Қазақстан футбол федерациясының бұрынғы басшылығына қатысты сотқа дейінгі тергеу жұмыстарын жүргізуде.

Бірақ аталған іс бойынша ҚФФ-ның бұрынғы президенті Әділет Барменқұлов күдікті деп танылмады.

Бұл туралы сенат кулуарында агенттік төрағасының орынбасары Жеңіс Елемесов мәлімдеді:

«Барменқұловты күдікті деп таныған жоқпыз, оған айып тағылған жоқ», - деді ол.

Әділет Барменқұлов ҚФФ президенті қызметіне 2022 жылы тағайындалып, 2024 жылдың қараша айында бұл қызметтен кеткен болатын.