ДЕРЕККӨЗ: Манчестер Юнайтедтің бас бапкері Хвичаға көз тігіп отыр

Футбол 03 қара 2024 22:19

Марлен Аманов

sports24 сарапшы

Рубен Аморим “Наполидің” грузин шабуылшысы Хвича Кварацхелияны өз сапына қосқысы келеді, деп хабарлады Caught Offside.

Бапкер Хвичаны командадағы Антонидің орнын басатын лайықты ойыншы ретінде көріп отыр. Португалиялық маманның айтуынша, Кварацхелия өзінің шебер ойынымен және жеңіске деген құштарлығымен алдағы уақыттарда клубтың жаңа жұлдызы бола алады.

“Наполи” шабуылшысы үшін кем дегенде €107 миллион еуро алғысы келеді. Бұл қазіргі нарықтағы жас таланттарға қойылатын аса қымбат баға.

Кварацхелия 2022 жылдан бастап “Наполи” клубында ойнайды. Командамен бірге ол 2022/23 маусымында Италия чемпионы атанды. Хвича неаполитандықтар сапында барлығы 100 матч өткізіп, 30 гол соқты және 28 нәтижелі пас берді.