Дереккөз: Қайрат Нұрдәулетов Жетісу клубынан кетіп, Станимир Стоиловтың командасына қосылады
“Жетісу” футбол клубының бас бапкері Қайрат Нұрдәулетов талдықорғандық ұжымнан кетуге шешім қабылдады.
Бұл туралы Aladop.kz сайты хабарлады.
Ақпарат көзінің мәліметінше, қазақстандық маман Түркияның “Гезтепе”клубында тәжірибеден өтпек. Аталған команданы кезінде “Астана” және Қазақстан ұлттық құрамасын жаттықтырған болгарлық маман Станимир Стоилов басқарады. Айта кетсек, Нұрдәулетов Стоиловпен бұған дейін де, 2018 жылы, Қазақстан ұлттық құрамасында бірге жұмыс істеді.
Қайрат Нұрдәулетов “Жетісу”клубының тізгініне өткен маусымның басында тағайындалды. Оның жетекшілігімен команда Қазақстан Премьер-Лигасының 2024 жылғы маусымында турнирлік кестеде 11-орынға тұрақтады.
Бұған дейін 42 жастағы бапкер Қазақстанның жастар құрамасын жаттықтырды.
Байланысты командалар мен лигалар
Басқа спорт түрлері
Бүгін 13:13