Де Брюйненің қоштасуы мен Родридің оралуы. «Манчестер Сити» маусымдағы соңғы өз алаңындағы ойында «Борнмутты» жеңді
Мамырдың 20-нан 21-не қараған түні «Манчестер Сити» мен «Борнмут» арасында ағылшын Премьер-лигасының 37-турының ойыны өтті.
«Қалалықтар» матчта жылдам есеп ашты – 14-минутта Омар Мармуш күшті соққысымен допты қақпаның алыс бұрышына қадады. Ал 24 минуттан кейін «Сити» жартылай қорғаушысы Бернарду Силва басымдылықты еселей түсті. Бірақ бірінші тайм жағымсыз әсер қалдырды - команда сапындағы соңғы «Этихадтағы» матчын өткізіп жатқан Кевин Де Брюйне керемет позициядан бос қақпаға гол соға алмады.
Екінші таймда алаңдағы ойыншылар саны азайды – екі команда да жеті минуттық айырмашылықпен қызыл қағаз алды. Матчтың соңына қарай Нико үшінші голды соқты, бірақ қосылған алтыншы минутта Дэниэл Джеббисон бір допты қайтарды. Матчтың соңы «қалалықтардың» жартылай қорғаушысы Родридің оралуы үшін де есте қалды - испандық ойыншы қыркүйек айынан бері алаңға шықпаған болатын.
Осылайша, Пеп Гвардиола шәкірттері өз алаңындағы ойында үш ұпай жинап, кестеде үшінші орынға көтерілді. Команданың «Фулхэмге» қарсы соңғы ойыны 25 мамырда өтеді.
АПЛ. 37-тур. 21 мамыр
«Манчестер Сити» - «Борнмут» - 3:1
Голдар: Мармуш, 14, Силва, 38, Нико, 89 -Джеббисон, 90+6.
Қызыл қағаздар: Ковачич, 67 («Манчестер Сити»), Кук, 74 («Борнмут»).
Байланысты командалар мен лигалар
