«Челси» «Эсперансты» ойсырата жеңіп, клубтық ӘЧ 2025 плей оффына шықты

Лондондық клуб Тунис өкілінің қақпасына үш гол соғып, АҚШ тағы турнирдің 1/8 финалына жолдама алды

Футбол 24 мау 2025 23:21

«Челси» «Эсперансты» ойсырата жеңіп, клубтық ӘЧ 2025 плей оффына шықты

ФОТО: chelseafc нстаграм парақшасынан

25 маусымда АҚШ‑тың Пенсильвания штатындағы Филадельфия қаласында клубтық әлем чемпионаты‑2025 топтық кезеңінің 3‑тур ойыны аяқталды.

«Линкольн Файнэншл Филд» стадионында лондондық «Челси» Тунистің «Эсперанс» командасын 3:0 есебімен жеңді.

Алғашқы голды бірінші таймның қосымша минутында (45+3) Тосин Адарабиойо соқты. Арада екі минут өткен соң Лиам Делап есепті еселеді (45+5). Кездесудің соңғы голын Тайрик Джордж 90+7‑минутта алыстан бағытталған соққымен енгізіп, матчтың соңғы есебін белгіледі.

Әлем. Клубтық әлем чемпионаты‑2025. 3‑тур

«Эсперанс» - «Челси» - 0:3

Голдар: 45+3, Адарабиойо, 45+5, Делап, 90+7, Джордж

Осы жеңістің арқасында лондондық ұжым үш матчтан 6 ұпай жинап, D тобында 2‑орынға орнықты және клубтық әлем чемпионатының 1/8 финалына шықты. Ал «Эсперанс» 3 ұпаймен топтық кезеңді 3‑орында аяқтады.