Ботафогоның ойыншысы Грегоре Либертадорес кубогының финалында екінші минутта алаңнан қуылды

Футбол 30 қара 2024 15:31

Нұрбақыт Қадырбаев

sports24 сарапшы

Бүгін, 30 қарашадан 1 желтоқсанға қараған түні Либертадорес кубогының финалында Бразилияның екі командасы “Атлетико” Минейро мен “Ботафого” кездесті.

Матчтың екінші минутында “Ботафогоның” жартылай қорғаушысы Грегор қарсыласының басынан теуіп, алаңнан қуылды. Енді турнир финалының дебютанттары матчты 10 адаммен өткізуге мәжбүр.

Жеңімпаз Бразилиялық команда жаңа 32 командалық форматтағы 2025 жылғы клубтар арасындағы әлем чемпионатына жолдама алады. Ол сонымен қатар Оңтүстік Америка кубогын жеңіп алған “Расинг” Авелланедамен Оңтүстік Америка суперкубогы үшін матчта ойнайды.