Бавария жазда үш ойыншымен қоштасады

Футбол 13 қара 2024 03:03

Асылхан Тоқсанбек

sports24 сарапшы

Мюнхеннің "Бавария" клубы негізгі құрамдағы үш футболисті: Лерой Сане, Кингсли Коман және Сержа Гнабриді, егер тиімді ұсыныстар түссе, сатуды қарастыруға дайын. Бұл туралы Bayern & Germany X әлеуметтік желісінде хабарлады.

Ақпарат көздерінің айтуынша, неміс клубы осы үш ойыншының кем дегенде біреуін сату арқылы жалақы шығындарын қысқартуды көздейді. Айта кетерлігі, Сане, Гнабри және Коман клубтың ең жоғары жалақы алатын ойыншыларының қатарына кіреді, олардың үшеуі жылына шамамен 60 млн еуро табыс табады.

"Бавария" 2024/2025 жылғы Бундеслига чемпионатында турнирлік кестенің басында келеді. Венсан Компани жаттықтыратын команда 10 ойыннан кейін 26 ұпай жинады.