Барселона Реалды ойсырата жеңді: Ямаль тарихи гол соқты
Мадридтегі әйгілі “Сантьяго Бернабеу” стадионында өткен Ла Лиганың 11-турындағы Эль-Класико аясында “Реал” өз алаңында “Барселонаны” қабылдады.
Алғашқы тайм тең есеппен аяқталғанымен, екінші таймда шабуыл алаңы “Барселонаның” қолына өтті. Алдымен польшалық шабуылшы Роберт Левандовски қарсылас қақпасына екі гол соғып, дубль жасады. Кейінірек, жас талант Ламин Ямаль мен бразилиялық Рафиньяның да соққан голдары бұл кештің шешуші сәттеріне айналды.
Нәтижесінде, “Барса” 4:0 есебімен сенімді жеңіске жетті, ал Ямаль Эль-Класико тарихындағы ең жас гол авторы атанды(17 жас, 106 күн)
Ла Лига. 11-тур
“Реал” (Мадрид) – “Барселона” – 0:4 (0:0)
Голдар: Левандовски, 54, 56, Ямаль, 77, Рафинья, 84.
Осы жеңістен кейін “Барса” 30 ұпаймен көш бастады, ал Реал 24 ұпаймен екінші орында қалды.
