Барселона Левандовскийге орынбасар іздеуде

Футбол Бүгін 00:32

Асылхан Тоқсанбек

sports24 сарапшы

Каталондық "Барселона" , "Порту" клубының және Испания ұлттық құрамасының 20 жасар шабуылшысы Самуэль Омородионды құрамына қосу мүмкіндігін қарастырып жатыр. Бұл туралы Transfer News Live порталы El Nacional басылымына сілтеме жасай отырып хабарлады.

Осы дереккөздің мәліметінше, Омородион каталондық клубтың 36 жасар шабуылшысы Роберт Левандовскидің орнына ұзақ мерзімді орынбасары ретінде қарастырылуда. Левандовскидің "Барселонамен" келісімшарты 2026 жылы аяқталады.

Еске салсақ, өткен жазда Омородион мадридтік "Атлетико" клубынан "Портуға" ауысып, 2029 жылға дейін келісімшартқа қол қойған болатын. Форвардтың "Порту" клубымен келісімінде 100 миллион еуро көлемінде шығу жарнасы қарастырылған.

Осы маусымда ол 13 ойын өткізіп, 12 гол соқты. Сонымен қатар, жастар құрамасы сапында төрт ойында төрт голдың авторы болды, бұл оның 2025 жылғы Еуропа чемпионатына іріктеу ойындарында көрсеткен нәтижесі.

Алдын Энфилдте Реал қорғанысында кім ойнайды?