Барселона 17 жасар Ямальмен келісімшарт мерзімін 2030 жылға дейін ұзартуға дайын

Футбол 16 қаз 2024 01:51

Аружан Темірбек

sports24 сарапшы

“Барселона” 17 жасар шабуылшысы Ламин Ямальмен келісімшартын ұзартпақ, оның қазіргі келісімшарты 2026 жылдың жазында аяқталады.

Mundo Deportivo мәліметінше, клуб ойыншымен ауызша келісімге келген. Келесі жазда, Ямаль кәмелеттік жасқа толғанда, келісімшарт 2029/2030 маусымының соңына дейін ұзартылатын болады.

Биылғы маусымда Ямаль “Барселона” сапында барлық турнирлерде 11 матч өткізіп, бес гол соғып, бес нәтижелі пас авторы атанды. Transfermarkt порталының мәліметіне сәйкес, ойыншының нарықтық құны 150 миллион еуроға бағаланған.