Барлық уақыттағы рекордшы: Криштиану Роналду тағы бір керемет межеге жетті
Криштиану Роналду әлемдік футбол тарихын қайта жазуын жалғастыруда, деп хабарлайды Sports24.kz.
Португалия құрамасының жұлдызды капитаны Криштиану Роналду Ұлттар лигасының Уэльске қарсы алғашқы матчында негізгі құрамда алаңға шықты. Бұл кездесу 41 жастағы шабуылшының ұлттық құрама сапындағы 234-матчына айналды. Осылайша ол халықаралық матчтар саны бойынша әлемнің сөзсіз рекордшысы мәртебесін одан әрі нығайтты.
Матч алдында тәжірибелі шабуылшы негізгі командамен бірге ойын алдындағы жаттығуға қатысты. Қазіргі таңда португалиялық жұлдыздың ұлттық құрама сапындағы голдар саны — 146, ал кәсіби мансабындағы голдары — 979. Бұл оны көптен күткен 1000 гол межесіне жақындата түсуде. Португалия құрамасының жаңа бас бапкері Жорже Жезуш ардагер ойыншыға толық сенім білдіріп, оның командадағы шешуші рөлін атап өтті.
Айта кетейік, 41 жастағы португалиялық шабуылшы 2023 жылдан бері Сауд Арабиясының «Аль-Наср» клубында өнер көрсетіп келеді. Өткен маусымда ол командасына Сауд Арабиясы чемпионатында жеңіске жетуге көмектесті. Беделді Transfermarkt порталының мәліметінше, шабуылшының қазіргі нарықтық құны 12 миллион еуроға бағаланады.
Бұған дейін Португалия құрамасының жаттықтырушысы 41 жасында Роналдудың неге алмастырылмайтын ойыншы болып қала беретінін түсіндірген еді.
