Азияның үздік жас ойыншысы сыйлығына номинант

Футбол 19 қаз 2024 01:14

Өзбекстан ұлттық құрамасы мен ЦСКА ойыншысы Аббос Файзуллаев “Азияның үздік жас ойыншысы” сыйлығына үміткерлердің үштігіне кірді, деп хабарлады клубтың баспасөз қызметі.

ЦСКА жартылай қорғаушысынан бөлек, номинанттар қатарына Жапониялық Гаку Навата және Оңтүстік Кореялық Баэ Джун-Хо кірді.

Сондай-ақ, Аббос қыркүйек айында ЦСКА-ның үздік ойыншысы деп танылды. Ол жанкүйерлер дауысының 53%-ын жинады. Сауалнамада екінші орынды жартылай қорғаушы Иван Обляков (18%) алса, үшінші орынды қақпашы және капитан Игорь Акинфеев (10%) иеленді.

Қыркүйек айында Файзуллаев клуб сапында барлық турнирлерде төрт матч өткізіп, бір гол соғып, үш нәтижелі пас берді. Ойыншының қазіргі клубымен еңбек келісімі 2026 жылдың жазына дейін есептелген. Transfermarkt интернет-порталының ақпараты бойынша, 21 жастағы футболшының нарықтық құны 6 миллион еуроны құрайды.

Ағымдағы маусымда өзбекстандық футболшы 13 матчқа қатысып, 2 гол соғып, 5 нәтижелі пас берді.

Танымал жаңалықтар