Қазақстанның U-17 және U-19 құрамалары 2026 жылғы Еуропа чемпионатындағы қарсыластарын анықтады
Бүгін, 5 желтоқсанда, Швейцарияның Ньон қаласында 2026 жылғы Еуропа чемпионатының U-17 және U-19 квалификациясының жеребе тарту рәсімі өтті, деп хабарлайды Sports.kz.
Жеребе тарту нәтижесінде Қазақстанның U-17 құрамасы 8-ші топқа түсті, онда Хорватия, Нидерланд және Албания командаларымен кездеседі. Матчтар 2025 жылдың 1 шілдесінен 18 қарашасына дейін өтеді. Топтағы екі үздік команда екінші кезеңнің A лигасына өтеді, қалғандары B лигасында ойнайды. 2026 жылғы U-17 Еуропа чемпионаты Эстонияда өтеді.
Қазақстанның U-19 құрамасы жеребе тарту нәтижесінде 1-ші топқа түсті, онда Ирландия, Нидерланд және Кипр командаларымен кездеседі. Матчтар 2025 жылдың 1 қыркүйегінен 18 қарашасына дейін өтеді. Топтарда бірінші және екінші орын алған командалар, сондай-ақ үшінші орын алған командалардың ішіндегі үздік команда келесі кезеңге өтеді. 2026 жылғы U-19 Еуропа чемпионаты Уэльсте өтеді.
