Қазақстандық Олжас Абраев ЧЛ-ның Ювентус-Штутгарт кездесуіне делегат болып тағайындалды

Футбол 22 қаз 2024 00:25

Қазақстандық Олжас Абраев УЕФА Чемпиондар Лигасының топтық кезеңінің үшінші турындағы “Ювентус” (Италия) пен “Штутгарт” (Германия) арасындағы матчтың делегаты болып тағайындалды. Ойынды норвегиялық төреші Эспен Эскас басқарады.

“Ювентус” — “Штутгарт” кездесуі 23 қазанда Қазақстан уақытымен 00:00-де Туриндегі “Альянц Стэдиум” стадионында өтеді.

Естеріңізге сала кетейік, Олжас Абраев – Қазақстан футбол федерациясының бірінші вице-президенті болып 2024 жылға дейін жұмыс жасады. 2013 жылдан бері УЕФА матчтарының делегаты, ал 2016 жылдан бастап ФИФА матч комиссары болып табылады. Әр жылдары УЕФА-ның әртүрлі комитеттеріне, атап айтқанда футзал және жағажай футболы комитеті мен маркетинг жөніндегі консультативтік комитетке мүше болған. Қазіргі уақытта ол УЕФА-ның ойыншылар мәртебесі, трансферлер, агенттер және матч-агенттер жөніндегі комитетінің құрамына кіреді.

Бұған дейін хакерлер “Ювентустың” аккаунттарын бұзып, жалған ақпараттар жариялаған болатын.

Танымал жаңалықтар