Қазақстандық клубтардың экс-бас бапкері Омари Тетрадзе Ресейде жаңа қызметке тағайындалды

Футбол Бүгін 00:34

Марлен Аманов

sports24 сарапшы

Қазақстандық клубтардың экс-бас бапкері Омари Тетрадзе Ресейдің "Уфа" футбол клубының спорттық директоры болып тағайындалды, деп хабарлайды Sport24.ru.

55 жастағы Тетрадзе өзінің бапкердік мансабында "Крылья Советов", "Анжи", "Волга НН", "Химки", "Енисей", сондай-ақ қазақстандық "Жетісу" мен "Тобол" командаларында жұмыс істеген. Ол "Анжи" мен "Волга" клубтарымен Ресей Премьер-лигасына шыққан. Соңғы жұмыс орны Грузияның "Сабуртало" клубында болды.

Қазіргі уақытта "Уфа" Ресейдің Бірінші лигасында 21 ойыннан кейін 20 ұпаймен 15-орында тұр.