Қазақстандық футболшы Азат Ерсәлімов екі бап бойынша сотталды

Футбол Кеше 13:40

Аружан Темірбек

sports24 сарапшы

Сот Ерсәлімовті аса ірі мөлшерде бірнеше рет алаяқтық жасағаны, сондай-ақ денсаулыққа қасақана орташа ауырлықтағы зиян келтіргені үшін кінәлі деп таныды. Оның ісінде 32 эпизод бар, оның жалпы шығыны 60 миллион теңгеден асады, деп хабарлайды Metaratings.

Нәтижесінде бұрынғы футболшы кінәлі деп танылып, 3 жыл 2 айға бас бостандығынан айырылды. Қазіргі уақытта Ерсәлімов орташа қауіпсіздік мекемесінде жазасын өтеп жатыр.

Еске сала кетсек, Ерсәлімов осы жылдар ішінде “Ертіс”, “Ақтөбе”, “Астана”, “Тараз”, “Ақжайық” сынды командаларда өнер көрсетті.