Қазақстан U-15 құрамасы Бахрейннен келген құрдастарын жеңді

Футбол 24 қаз 2024 08:53

Павлив Никита

sports24 сарапшы

Қазақстанның U-15 жасөспірімдер құрамасы Қырғызстан астанасы Бішкекте өтіп жатқан Talents Cup халықаралық турнирінде Бахрейннен келген құрдастарын 5:1 есебімен жеңді.

Қазақстанның жасөспірімдер командасында Артем Шалыгин екі рет гол соқты, сондай-ақ Платон Шипицин, Жаңай Серікқұл, Арғын Жұмагелді бір мәрте ерекшеленді.

Бахрейн U-15 – Қазақстан U-15 – 1:5

Голдар: Артем Шалыгин (2), Платон Шипицин, Жаңай Серікқұл, Арғын Жұмагелді

Естеріңізге сала кетейік, бірінші турда Қазақстан U-15 өзбекстандық құрдастарынан 1:2 есебімен жеңіліп қалды. Соңғы турда қазақстандықтар Қырғызстан U-15 құрамасымен ойнайды, матч 26 қазанға жоспарланған.

Бұған дейін Қайрат U-19 үш қызыл қағаз алып Бетис U-19 командасынан ұтылды.