Қазақстан құрамасының шабуылшысы Артур Шушеначев Сочи сапындағы алғашқы голын соқты

Футбол 17 қаз 2024 00:29

Аружан Темірбек

sports24 сарапшы

Қазақстандық шабуылшы Артур Шушеначев Ресейдің “Сочи” футбол клубы үшін алғашқы голын соқты.

26 жастағы Қазақстан құрамасының шабуылшысы Ресей Кубогы аясында өткен “Волгаға” қарсы матчта “Сочидің” негізгі құрамында алаңға шығып, 33-минутта есеп ашты. Шушеначев бұрыштамадан Владислав Лазаревтің пасын баспен дәл бағыттап, гол соқты. Бірінші тайм “Сочидің” 1:0 есебімен аяқталды.

Айта кетейік, бұл “Волгаға” қарсы ойын Артур Шушеначевтің “Сочи” сапындағы төртінші матчы болды. Бұған дейінгі үш кездесуде қазақстандық ойыншы нәтижелі әрекеттерімен көзге түспеді.