Қазақстан құрамасының көшбасшысы жарақатына байланысты Норвегиямен матчты өткізіп жіберуі мүмкін

Футбол 04 қыр 2024 06:28

Денис Кошечкин

sports24 сарапшы

Қазақстан құрамасы мен даниялық Силькеборг командасының жартылай қорғаушысы Рамазан Оразов Норвегия құрамасына қарсы ойнамауы мүмкін. Мұның себебі қазақстандықтың алған жарақаты болып табылады.

Оразовтың жарақаты туралы құрама бас бапкері Станислав Черчесов хабарлады:
"Рамазан Оразовтың МРТ-ін қарап, оның аяғы қалай екенін көреміз. Кусяпов келген жоқ. Біз Самородовты қалпына келтіруге тырысамыз, ол қазірдің өзінде командамен бірге жаттығып жүр, ойынға дайын болады ма, көреміз", – деді Черчесов ҚФФ баспасөз қызметіне берген сұхбатында.

Қазақстан-Норвегия матчы алтыншы қыркүйекте Алматыда өтеді.
Сондай-ақ, Қазақстан құрамасының қорғаушысы Лев Скворцов Ұлттар Лигасының топтық кезеңінде Норвегиямен матч туралы ойымен бөлісті.