Қазақстан құрамасының дебютанты жарақат алып қалды

Футбол 02 қыр 2024 09:16

Камаз қорғаушысы Талғат Кусяпов жарақат алды, соның кесірінен футболшы өзінің алғашқы шақыртуын өткізіп алуы мүмкін. Бұл туралы Sports.kz хабарлады.

Футболошы Нефтехимикқа қарсы ойында жарақат алды. Бұл ақпаратты Камаз бапкері Ильдар Ахметзянов растады. Алайда, маман Футболшының қанша уақытқа шет қалғанын білмейді.

Бұдан алдын Кусяпов алғаш рет Қазақстан құрамасына шақырту алған еді. Ойыншының клубтық бапкері дебютті кейінге қалдыру керек дейді.

Кусяпов Камазға 2024 жылдың жазында еркін агент ретінде қосылды. Бұл маусымда 25 жасар қорғаушы барлық турнирде 11 ойын өткізді, нәтижелі әрекетпен көзге түспеді.

Естеріңізге сала кетсек, Қазақстан құрамасы Норвегия (6 қыркүйек) және Словения (9 қыркүйек) құрамаларына қарсы кездесу өткізеді.

Танымал жаңалықтар