Қазақстан құрамасының бұрынғы ойыншысы Эрбес Ұлттар Лигасындағы ойындар жайлы пікірімен бөлісті

Футбол 15 қаз 2024 00:34

Қазақстан құрамасының бұрынғы футболшысы Вячеслав Эрбес Станислав Черчесовтың ұлттық құраманың бас бапкері ретіндегі сәтсіз бастамасы туралы “Евро-Футбол.Ру” сайтына пікір білдірді.

“Менің ойымша, команданың нәтижесіне жауапты адам – бапкер. Төрт ойыннан кейін құраманың бірде-бір гол соқпағаны және сегіз гол жіберіп алғаны бапкердің жауапкершілігінде. Қалған екі ойынға жаңа бапкер іздеудің қажеті жоқ деп ойлаймын, себебі бұл ойындар ештеңе шешпейді. Бірақ бұл матчтарда оң нәтиже болмаса, онда жаңа бапкерді іздеген жөн”, — деді Эрбес.

Еске сала кетейік, Станислав Черчесов бас бапкер болып тағайындалғаннан бері Қазақстан құрамасы бірде-бір жеңіске жеткен жоқ. Қазіргі уақытта команда 3-топта бір ғана ұпай жинап, соңғы орында тұр. 2024 жылдың маусымында тағайындалған 61 жастағы бапкердің басшылығымен құрама төрт матчта да гол соға алмады.

Танымал жаңалықтар