Қазақстан құрамасы құны бойынша Ұлттар лигасы командалары арасында 44-орынға тұрақтады

Футбол 19 қара 2024 07:36

Аружан Темірбек

sports24 сарапшы

Қазақстанның футбол құрамасы Ұлттар лигасындағы командалар арасында құны бойынша 44-орынға жайғасты, деп хабарлайды transfermarkt.world. Құрама ойыншыларының жалпы құны 18,08 миллион еуроға бағаланды.

Ең қымбат ойыншы ретінде жартылай қорғаушы Бақтиер Зайнутдинов 4 миллион еуроға бағаланды.

Ұлттық құрамалар арасында ең қымбат болып Франция құрамасы танылды, оның жалпы құны 1,01 миллиард еуродан асады. Екінші орынға Англия құрамасы 996 миллион еуромен жайғасса, үздік үштікті Португалия құрамасы 792 миллион еуромен толықтырады.