Қазақстан Премьер-Лигасы: төрешілердің жаңа толқыны келесі маусымға дайындалуда

Футбол 04 қара 2024 07:31

Аружан Темірбек

sports24 сарапшы

Келесі маусымда Қазақстан Премьер-Лигасы (ҚПЛ) ойындарын жаңа төрешілер қадағалайтын болады. Қазіргі уақытта 300-ге жуық жас төреші арнайы дайындықтан өтіп жатыр, олардың ішіндегі үздіктері маусымға дайындалу үшін Түркияға аттанады. Сонымен қатар, Бірінші лигада жұмыс істейтін кейбір төрешілерге ҚПЛ матчтарын жүргізуге мүмкіндік беріледі.

Кейбір жетекші төрешілер, соның ішінде Болат Сариев пен Денис Измайлов, біртіндеп жас әріптестеріне орын берулері мүмкін деп күтілуде. Қазақстан футбол федерациясы бұл ауысымды жас төрешілердің тәжірибе жинақтауына қарай кезең-кезеңімен жүзеге асыруды жоспарлап отыр.

Ағымдағы маусымда ҚПЛ-дың кейбір командалары, атап айтқанда “Тобыл”, “Астана” және “Елімай”, төрешілердің деңгейіне сын айтқан болатын. 25-тур алдында төреші Денис Тевяшов үшінші тараптардың қысымына байланысты “Тобыл” — “Астана” матчын қадағалаудан бас тартты, оның орнына Руслан Сұлтанғалиев тағайындалды. Сонымен қатар, ҚФФ төрешілік және инспекциялау департаментінің директоры Александр Перемитин өз өкілеттілігін орынбасары Елеш Құсайыновқа тапсырды.