Қазақстан Минскіде өтіп жатқан УЕФА Даму турнирін жеңіспен бастады

Футбол 13 сәу 2025 09:16

Қазақстан Минскіде өтіп жатқан УЕФА Даму турнирін жеңіспен бастады

ФОТО: kff

Қазақстанның 16 жасқа дейінгі жасөспірімдер құрамасы Беларусь астанасы Минскіде өтіп жатқан УЕФА-ның Даму турнирінде сәтті бастама жасады. 13 сәуірде өткен алғашқы ойында қазақстандықтар алаң иелері Беларусь құрамасын 3:2 есебімен жеңіп, турнирге үш ұпаймен кірісті.

Кездесудің басты қаһарманы Адалбек Тұрдах болды. Ол 3-минутта пенальтиден есеп ашып, 23-минутта дубль жасады. Белоруссиялықтар үзіліске дейін бір гол соғып, интрига қайтарды. Дегенмен 63-минутта Абылай Жылқайдар да 11 метрлікті мүлт кетірмей, есепті 3:1-ге жеткізді. Қарсыластар тек ойын соңында тағы бір доппен жауап қайырды.

УЕФА Даму турнирі. Минск
Беларусь U16 — Қазақстан U16 — 2:3 (1:2)
Голдар: Тұрдах 3 (пен.), Тұрдах 23 (0:2), Ясточкин 30 (1:2), Жылқайдар 63 (пен.) (1:3), Нестеренко 84 (2:3)

Қазақстан U16 құрамасы Минскідегі турнир аясында Қытай және Ресей құрамаларымен де кездеседі. Жарыс алдындағы дайындық шеңберінде Қазақстан U16 құрамасының техникалық кеңесшісі , ФИФА сарапшысы Стюарт Холл Касабланкада өткен FIFA High Performance конференциясына қатысып, әлемдік футболды дамыту департаментінің басшысы Арсен Венгермен жүздесті.