«Атыраудың» жұмысшылар алдындағы қарызынан қалай құтылғаны белгілі болды

Футбол 27 нау 2025 15:36

Нұрбақыт Қадырбаев

«Атырау» футбол клубының ұжымы жаңа бас менеджер Дидар Сыдықбектің арқасында 2025 жылы алғаш рет жалақыларын алды.

Сыдықбек Instagram желісіндегі парақшасында жаңа қызметінде атқарған жұмыстары туралы айтқан видеосын жариялады. Атап айтқанда, клуб әкімшілігі мен футбол орталығына жалақы берешегін өз қалтасынан өтегенін хабарлады.

Сондай-ақ ол өзінің видеосында «мұнайшылардың» жанкүйерлерінен қолдау көрсетуді өтініп, алдағы ҚПЛ 3-ші турының «Ақтөбеге» қарсы ойынына шақырды.

Бұған дейін «Атырау ОФК» ЖШС сенім кеңесінің құрылтайшылары қызметтерін босатып, клуб директоры Жандос Бектемір мен бас директоры Манарбек Ержанов та өз еркімен қызметінен кеткен болатын.

Байланысты командалар мен лигалар

Атырау

Қазақстан Премьер-Лигасы