Астананың бұрынғы футболшысы молдавиялық клубтан кетеді

Футбол Кеше 15:08

Нұрбақыт Қадырбаев

sports24 сарапшы

“Астананың” украиндық бұрынғы жартылай қорғаушысы Денис Дедечконың “Зимбрумен” келісімшарты 31 желтоқсанда аяқталады және созылмайды.

Moldfootball.com сайтының хабарлауынша, 37 жастағы Дедечко маусымаралық кезеңде кишиневтік клубтан кеткен үшінші ойыншы болды. Бұған дейін “Зимбру” нигериялық шабуылшы Эммануэль Аларибе мен Кабо-Верде құрамасының шабуылдаушы жартылай қорғаушысы Жоао Паулиньомен қоштасқанын жариялаған болатын.

Дедечко Кишинев клубында 57 матчқа қатысып, 12 гол соғып, 4 нәтижелі пас берді. Ал 2015/2016 маусымында “Астана” сапында ойнап, 16 матч өткізіп, 1 гол соқты.

Байланысты командалар мен лигалар

Астана

Зимбру

Молдова Супер Лигасы