Астана Конференция лигасында Виториямен тең түскені үшін 133 мың еуро табыс тапты

Футбол 29 қара 2024 02:56

Аружан Темірбек

sports24 сарапшы

“Астана” Конференция лигасының топтық кезеңі аясында Португалияның “Витория” командасымен тең түсті (1:1) және УЕФА-дан сыйақы алды.

Бұл турнирде тең нәтиже үшін УЕФА 133 мың еуро (шамамен 72 миллион теңге) сыйақы қарастырған, ал жеңіс 400 мың еуроға (шамамен 218 миллион теңге) бағаланады. Бұған дейін “Астана” топтық кезеңнің алғашқы турында Сербияның “ТСЦ Бачка-Топола” командасын 1:0 есебімен жеңіп, үш ұпай еншілеген болатын. Кейіннен Григорий Бабаянның командасы Уэльстің “Нью-Сейнтс” (0:2) және Кипрдің “Пафос” (0:1) клубтарынан жеңіліс тапты.

Алдағы турларда “Астананы” Англияның “Челси” және Кипрдің АПОЭЛ командаларымен өтетін қиын ойындар күтіп тұр.