Асхат БАЛТАБЕКОВ: “Біздің ойын жанкүйерлерге ұнады деп ойлаймын”

Футбол 14 қаз 2024 07:19

Қазақстан құрамасының жартылай қорғаушысы Асхат Балтабеков 2024/25 Ұлттар лигасының төртінші турында Словения командасына қарсы матч туралы өз ойымен бөлісті.

"Біріншіден, бүгін келген жанкүйерлерге алғыс айтқым келеді. Қолдау керемет болды. Екіншіден, мен дебютіме қуаныштымын. Бас бапкерге сенім білдіргені үшін рахмет. Өкінішке қарай, біз жеңілдік. Бірақ менің ойымша, жанкүйерлерге біздің ойын ұнады, өйткені матч сәттерге толы болды. Иә, екінші таймда біз зейінімізді жоғалтып, голды жіберіп алдық. Бірақ біз басымызды төмен түсірмедік, шабуылға шығып, гол соғуға тырыстық.
Жанкүйерлерден кешірім сұраймыз. Ойын алдында жаттықтырушы шабуылға көбірек көңіл бөлу керектігін айтты. Алда көбірек мүмкіндіктер жасау керек болды. Менің мақсатым допты алға жеткізу болды", - деп келтіреді Балтабековтың сөзін KazFootball.kz Қазақстан футбол федерациясының баспасөз қызметіне сілтеме жасап.

Естеріңізге сала кетейік, Қазақстан құрамасы Словения командасына 0:1 есебімен жеңілді.

Танымал жаңалықтар