АПЛ. Вест Хэм мен Арсенал дербиде гол жаудырды

Футбол 30 қара 2024 14:38

Нұрбақыт Қадырбаев

sports24 сарапшы

30-шы қарашада АПЛ-дің 13-ші туры аясында Лондондық дерби өтті: “Вест Хэм” өз алаңында “Арсеналды” қабылдады. Матч 2:5 есебімен аяқталды.

Бірінші тайм командалар жаудырған 7 голмен есте қалды. Кездесудің 10-шы минутында-ақ, “зеңбірекшілер” есеп ашты. Жылдам соққан голдан кейін босаңсыған жоқ, керісінше, жауапсыз тағы 3 гол соқты. 36-шы минутта есеп 0:4 болғанымен, 4 минутта Вест Хэм 2 голды қайтара алды. Бірақ оған қарамастан, таймның соңында “балғашылар” 5-ші қосымша минутта пенальтиден доп жіберіп алды. Екінші таймда есеп өзгерген жоқ - солтүстік Лондон командасының пайдасына 2:5 болып қала берді.

АПЛ. 13-ші тур. 30-шы қараша

Вест Хэм – Арсенал – 2:5 (2:5)

Голдар: Ван-Биссака, 38, Эмерсон, 40 – Гибриел, 10, Троссард, 27, Эдегор, 34 (пенальти), Хаверц, 36, Сака, 45+5 (пенальти).