АПЛ. Ливерпуль турдың негізгі матчында Ман Ситиді сенімді түрде жеңді
Бүгін, 1-ші желтоқсанда Ағылшын Премьер-лигасының 13-ші турының орталық ойыны өтті: “Ливерпуль” “Энфилдте” "Манчестер Ситиді" қабылдады.
Командалар матчқа мүлде қарама-қарсы қалыпта жақындады. “Мерсисайдтықтар” ұлттық чемпионат пен Чемпиондар лигасының кестесінде көш бастап келеді. Еурокубоктың барлық матчтарында, соның ішінде қазіргі чемпион “Реал Мадридке” қарсы матчта жеңіске жетті. Ал “қалалықтар” соңғы 10 жылдағы ең үлкен дағдарысты бастан кешуде. Гвардиола шәкірттері барлық турнирлерде қатарынан 6 матчта жеңіске жеткен жоқ.
Матч алаң иелерінің бақылауында өтті. Допқа ие болудан басқа барлық негізгі көрсеткіштер бойынша олар қарсыластарынан айтарлықтай басым түсті. Матчтың 12-ші минутында Коди Гакпо жақын қашықтықтан соққан соққымен есеп ашты. Кездесу соңында Мұхамед Салах пенальтиден гол соғып, есеп өзгертті. Демалыс күндердің басты кездесуі алаң иелерінің 2:0 есебімен сенімді жеңісімен аяқталды.
АПЛ. 13-ші тур. 1-ші желтоқсан
Ливерпуль - Манчестер Сити – 2:0
Голдар: Гакпо, 12, Салах, 78 (пенальти).
Турдың қорытындысы бойынша “қызылдар” екінші орыннан 9 ұпай алшақтықпен кестеде көш бастады. “Сити” өз кезегінде 23 ұпаймен 5-ші орында табан тіреді.
Басқа спорт түрлері
Бүгін 13:13