АПЛ аңызы Хусанов туралы Манчестер Ситиде не айтылатынын баяндады
Англия құрамасының бұрынғы шабуылшысы Дион Даблин "Манчестер Ситиде" өзбек қорғаушысы Абдукодир Хусановқа қандай сипаттама берілетінін айтып берді.
"Ол – бәрінің назарында болатын ойыншы, әсіресе бірдеңе дұрыс болмай қалған кезде. Кадрда үнемі көрінеді. Сәттілік жетіспей жатыр, бірақ ол – жаман ойыншы емес. "Манчестер Ситидегі" адамдармен және клубқа жақын жандармен сөйлескенде, олар оның агрессивті, доппен жақсы ойнайтын, жылдам ойыншы екенін айтады. Оның артықшылықтары өте көп", – деді Даблин The Weekend Wrap басылымына берген сұхбатында.
Дион Даблин мансабында "Манчестер Юнайтед", "Ковентри" және "Астон Вилла" клубтарында ойнаған. Англия Премьер-лигасында 312 матч өткізіп, 111 гол соққан.
Айта кетейік, Хусанов "Манчестер Сити" сапына қаңтар айында қосылды. Бұған дейін ол жаңа клубында кімнің ең жақын досы болғанын айтқан еді.
Байланысты командалар мен лигалар
