Ансу Фати Лига 1-ге жол тартты: «Барселона» мен «Монако» вингердің арендасын келісіп қойды

Футбол 23 мау 2025 09:13

Арсен Алиев

Редактор

Каталониялық «Барселона» мен Францияның «Монако» клубы Ансу Фатиді жалға беру жөнінде келісімге келді.

Бұл ақпаратты беделді инсайдер Фабрицио Романо растады. Оның мәліметінше, 22 жастағы шабуылшы Франция чемпионатына маусымдық аренда негізінде ауысып, «Монако» кейін оны толық сатып алу мүмкіндігіне ие болады.

Алдағы күндері Фати медициналық тексерістен өту үшін «Монако» клубының базасына келеді.

Ансу - «Барселона» академиясының түлегі. Ол негізгі команда сапында 123 матч өткізіп, 29 гол соғып, 8 нәтижелі пас берген.

2023/2024 маусымында Фати Англияның «Брайтон» клубында жалға ойнады, ал өткен маусымда «Барса» құрамында 11 ресми ойынға қатысты.

Футболшының каталондық клубпен келісімшарты 2027 жылдың жазына дейін жарамды.

Байланысты командалар мен лигалар

Барселона

Монако

Ла Лига Испания

Лига 1 Франция