Ғани ҚАЙНАЗАРОВ: "Астана" футбол клубын кубогымен құттықтап, сәттілік тілеймін"

Футбол Бүгін 01:15

Марлен Аманов

sports24 сарапшы

Түркістанда 2024 жылғы QFL Лига кубогының бірінші маусымы аяқталды. Финалдық матчта "Астана" клубы "Жеңісті" 0:2 есебімен жеңді. Qazaqstan Football League президенті Ғани Қайназаров жеңімпазды құттықтап, жанкүйерлерге алғысын білдірді.

- "Бұл турнир біз үшін өте маңызды. Бүгін түркі әлемінің туристік астанасы – Түркістан қаласында нағыз футбол мерекесі мен маусымның жарқын аяқталғанына куә болдық. Клубтарға, құрметті серіктестерімізге, Түркістан облысының басшылығына отандық футболды дамытуға үлес қосқаны үшін және қолдау танытқан жанкүйерлерге алғысымды білдіремін. "Астана" футбол клубын кубогымен құттықтап, сәттілік тілеймін!", - деді Qazaqstan Football League президенті Ғани Қайназаров.

Айта кетейік, "Астана" QFL Лига кубогындағы жеңісі арқылы өз тарихындағы жүлде санын 17-ге жеткізді. Бұндай жетістікке әзірше өзге отандық клубтар жетпеген. Елордалық ұжым финалға дейін "Каспий" мен "Шахтерді" жеңіп, D тобында көшбасшы болды. Ал жартылай финалда матч соңындағы пенальти сериясы арқылы "Елімайдан" басым түсті. Кубокпен қатар, Григорий Бабаянның шәкірттері 90 миллион теңге сыйақы алса, "Жеңіс" клубы 50 миллион теңгеге иелік етті.

Жеңіс пасын берген Нұрәлі Әліптің ойыны жоғары бағаланды