Англия құрамасының уақытша бас бапкері қызметін атқаратын Карсли болашағы жаайлы түсініктеме берді

Футбол 14 қаз 2024 00:51

Аружан Темірбек

sports24 сарапшы

Англия құрамасының бас бапкерінің міндетін атқарушы Ли Карсли ұлттық құрамадағы болашағы туралы сұраққа жауап берді.

"Менің міндетім — алты ойын өткізу, және мен бұған қанағаттанамын. Бұл қызметті атқару — үлкен мәртебе. Маған жұмысым өте ұнайды, бірақ соңғы бірнеше күнге көңілім толмайды. Мен Англия құрамасымен жеңілуге үйренген жоқпын.

Басшылық меннен не күтетінін анық түсіндірді. Бұл қызметті жүлделер жеңіп алған әлемдік деңгейдегі жаттықтырушыға лайық деп санаймын, ал мен әлі сол жолда келе жатырмын", — деп Карслидің сөзін ITV арнасы келтіреді.

Англия 9 ұпаймен 2-топтың турнир кестесінде екінші орында тұр. Келесі матчта Карсли шәкірттері 14 қарашада Грекияға қонаққа барады.