Андрей-Даниель Влад қарқын алуда: «Ақтөбе» қақпашысы 282 минут бойы гол жіберген жоқ
«Ақтөбе» командасының 26 жастағы румыниялық қақпашысы Андрей-Даниель Влад өз қақпасын 282 минут қатарынан голдан аман сақтап келеді, деп хабарлады KazFootball.kz.
Соңғы рет Влад 2025 жылдың 19 сәуірінде Қостанайда өткен матчта доп жіберіп алған болатын. Ол кезде «Тобол» жартылай қорғаушысы Ислам Чесноков есеп ашқан. Содан бері Андрей қатарынан үш ойында қақпасына гол өткізген жоқ.
Айта кетейік, Қазақстан чемпионаттарының тарихындағы ең ұзақ «құрғақ» серия 2005–2006 жылдары «Қайрат» сапында өнер көрсеткен Сергей Бойченкоға тиесілі - ол 921 минут бойы гол жібермеген.
Ал биылғы маусымда ең үздік көрсеткіш «Елімай» клубының қақпашысы Максим Ковалға тиесілі. Оның сериясы 366 минутты құрады. Влад осы нәтижеге жақындап келеді және егер сенімді ойынын жалғастырса, жаңа рекорд орнатуы да мүмкін.
Байланысты командалар мен лигалар
Футбол
Бүгін 17:58
Футбол
Бүгін 17:16