Анчелотти Мендидің Реал Мадридпен келісімшарт мерзімін ұзартқанын растады

Футбол 23 қыр 2024 16:16

Мадридтік "Реалдың" бас бапкері Карло Анчелотти команданың сол жақ қорғаушысы Ферлан Менди клубпен келісімшартты ұзартқанын растады.

“Менди туралы айтар болсам, ол клубпен келісімшартын ұзартты. Ферлан – тамаша сол жақ қорғаушы, ол өзіне жүктелген барлық міндетті орындайды. Біз одан шабуылда көп нәрсе күтпейміз, өйткені сол жақ шабуыл шебі өте мықты”,-дейді бапкер.

Бастапқыда 29 жастағы француз футболшысының "Реалмен" келісімі 2025 жылдың жазының соңына дейін жарамды болған. Алайда, БАҚ мәліметтеріне сәйкес, жаңа келісім 2027 жылдың жазының соңына дейін созылды.

Менди 2019 жылдан бері "Реал" сапында өнер көрсетіп келеді және осы уақыт ішінде 11 жүлде иегері атанды, оның ішінде үш рет Испания чемпионы және екі рет Чемпиондар лигасының жеңімпазы атанды. Ағымдағы маусымда қорғаушы "Реал" сапында барлық турнирлерде 6 матчқа қатысты.

Танымал жаңалықтар