«Алаңға шығып, ләззат алу». Ханси Флик «Реалға» қарсы Испания Кубогының финалы алдындағы үміттерімен бөлісті

Футбол 26 сәу 2025 15:28

Нұрбақыт Қадырбаев

Редактор

«Барселонаның» бас бапкері Ханс-Дитер Флик «Реалға» қарсы Испания Кубогының финалдық ойыны алдында өз ойын айтты.

«Бұл барлық ойыншылар күткен матч. Бұл Кубок финалы және біз «Реал» Мадридке қарсы ойнаймыз!

Біз командаға толық сенім артамыз. Олар маусымды тамаша өткізді және оларды осында көру өте керемет.

Ойын стилімізді өзгертемін бе? Жоқ, біз оларды талдадық және біз ойынға дайынбыз деп ойлаймын. Мен ойыншыларға не айттым? «Алаңға шығып, ләззат алыңдар», - деді маман.

Шешуші кездесу Севилья қаласындағы Олимпиадалық стадионда өтеді. Кездесудің басталуы – Қазақстан уақытымен сағат 01:00-де. Бұған дейін клубтар ойынға қатысатын негізгі құрамдарды таныстырған болатын.

Финалдағы Класиконы футболшылардың өздері ғана емес, жанкүйерлер де тағатсыздана күтеді. Қос клубтың жанкүйерлері Севилья көшелерінде бүлік шығарды.

Байланысты командалар мен лигалар

Барселона

Реал Мадрид

Испания Кубогы