Қайраттың бұрынғы ойыншысы Аршавин алтыншы баласына қатысты құпияны ашты

Футбол Бүгін 03:49

Аружан Темірбек

sports24 сарапшы

“Қайрат” клубының бұрынғы ойыншысы Андрей Аршавин алты баласы бар екенін, бірақ олардың біреуі ресми түрде оның атына жазылмағанын мойындады.

“Тағы бір балам бар, бірақ анасы оны менің атыма жаздырғысы келмеді. Ол маған: “Ақша төлемесең де болады, бұл сенің ар-ұятыңа байланысты болады” деді. Ол ақылды қыз, бірақ оның бұл таңдауына таң қаламын – тіпті балаға менің тегімді де, әкесі ретінде атымды да бермеді”, – деді Аршавин “Карты, деньги, два мяча” бағдарламасында.

Бұрын футболшы Алиса Казьминамен некеде болды және Есения есімді қызы дүниеге келді. Сондай-ақ, Аршавиннің Юлия Барановскаямен бұрынғы қарым-қатынасынан үш баласы бар: Артём, Яна және Арсений. Қазіргі уақытта ол Анна Петрушинамен бірге тұрады, ол биыл жазда оған Ева есімді қыз сыйлады.

Айта кетейік, Андрей Аршавин 2016-2018 жылдары “Қайрат” сапында ойнап, ойыншы ретіндегі мансабын аяқтады. Алматылық клуб құрамында ол екі рет Қазақстан Кубогын (2017, 2018) жеңіп алып, 2018 жылы ел Суперкубогының иегері атанды.