Қайрат Нұрдәулетов Гезтепеде тағылымдамадан өтіп жатыр
Қазақстандық бапкер Қайрат Нұрдаулетов Түркияның "Гезтепе" клубында тәжірибе алмасып жатыр. Ол бұрын "Астана" және Қазақстан Ұлттық құрамасын баптаған Станимир Стоиловтың жетекшілігімен жұмыс істейді, деп хабарлайды KazFootball.kz.
Практика шамамен бір аптаға созылады. Нұрдаулетов Түркия клубының құрамында болып, Стоиловтың жетекшілігіндегі команданың жаттығу процесін зерттеп жатыр. Қазіргі таңда "Гезтепе" Түркия Суперлигасының алғашқы төрттігінде тұр.
Еске салсақ, Станимир Стоилов 2014 жылдан 2018 жылға дейін "Астананы" баптады. Оның басшылығымен команда төрт рет Қазақстан чемпионы атанды және Қазақстан футболы тарихында алғаш рет Чемпиондар Лигасының топтық кезеңіне өтті. Сонымен қатар, Стоилов екі рет клубты Еуропа Лигасының топтық кезеңіне шығарып, бір рет турнирдің 1/16 финалына жеткізген болатын.
Байланысты командалар мен лигалар
Футбол
Бүгін 09:47
