Айбар Абдулла Бельгиямен өтетін матч туралы: Айырмашылық болады, стадион үлкен және адамдар көп бола
Қазақстан жастар құрамасы мен қарағандылық "Шахтер" командасының жартылай қорғаушысы алдағы Бельгиямен өтетін матч туралы пікір білдіріп, Мальтамен өткен матчқа баға берді.
ҚФФ (Қазақстан футбол федерациясы) баспасөз қызметіне берген сұхбатында Абдулла:
"Ойын шиеленісті болды. Содан кейін бір шешім тауып, жылдам гол соқтық. Осыдан кейін ойын жүре бастады. Бельгиямен ойын? Айырмашылық болады, стадион үлкен, адамдар көп болады деп үміттенемін. Біз бұл матчты асыға күтеміз".
Естеріңізге сала кетейік, Қазақстан жастар құрамасы 5 қыркүйекте Мальта құрамасына қарсы Еуропа-2025 чемпионатына іріктеу матчын өткізді. Қазақстандықтар 4:1 есебімен жеңіске жетті. Айбар Абдулланың есебінде бір гол бар.
Келесі ойын 10 қыркүйекте өтеді. Жастар құрамасы Алматы қаласының Орталық стадионында (Қазақстан) Бельгия құрамасын қабылдайды. Ойын Қазақстан уақытымен сағат 19:00-де басталады.
Теннис
Бүгін 11:30
Бокс
Бүгін 09:29
Теннис
Бүгін 08:52