Ғафуржан Сүйімбаев жарақат алып, ұзақ уақытқа футболдан тыс қалды

Футбол 15 нау 2025 16:29

Нұрбақыт Қадырбаев

Редактор

Қазақстан құрамасының ардагері, павлодарлық “Ертіс” клубының ойыншысы Ғафуржан Сүйімбаев мениск пен алдыңғы крест байламы зақымданды деген күдікке байланысты ұзақ мерзімге футбодан тыс қалды.

Бұл туралы клубтың баспасөз қызметі хабарлады. Дереккөздің хабарлауынша, Сүйімбаевқа ота жасалуы керек және сауығып кетуіне байланысты бірнеше айды жіберіп алады.

Ғафуржанның соңғы клубы – “Ордабасы” болды. Соңғы 2 маусымды ол Шымкентте өткізіп, 2023 жылғы ҚПЛ чемпионы атанды.

• Сондай-ақ оқыңыз: Қазақстанда футбол төрешілерінің жалақысы көтерілді

Еске салайық, Сүйімбаев биылғы жылдың басында “Ертіске” көшкен болатын. Ардагер павлодарлықтардың Бірінші лигада жетістікке жетіп, жоғары дивизионға оралуына ықпал етеді деп күтілген болатын.

Байланысты командалар мен лигалар

Иртиш Павлодар