Ағасына қарамастан: Иньяки Уильямс інісі Никоны ойынан айнытпақшы

Футбол 21 мау 2025 02:51

Арсен Алиев

Редактор

Бильбаолық «Атлетик» командасының шабуылшысы Иньяки Уильямс інісі Нико Уильямстың «Барселонаға» ауысуына жол бермеуге тырысып жатыр, деп Sport.es басылымы хабарлады.

Ақпарат көзінің мәліметінше, Иньяки барлық күшін салып бауырының туған клубында қалуын қалайды. Алайда 22 жастағы вингер өз мансабын жаңа деңгейге көтеру үшін клуб ауыстыруды жөн көріп отыр. Қаржылық жағы оны аса қызықтырмайды – Нико өзін кәсіби тұрғыда дамыта алатын және жоғары деңгейдегі титулдар үшін күресе алатын орта іздейді.

Өткен маусымда Нико Уильямс өте жақсы нәтиже көрсетті: барлық турнирде 45 ойын өткізіп, 11 гол соғып, 7 нәтижелі пас берді. Қазіргі уақытта оның «Атлетикпен» келісімшарты 2027 жылдың жазына дейін күшінде.

Байланысты командалар мен лигалар

Барселона

Атлетик Бильбао

Ла Лига Испания