19 жасар Қазақстан құрамасының ойыншысы Португалия чемионатында командасына жеңіс сыйлады

Футбол 04 қара 2024 04:56

Аружан Темірбек

sports24 сарапшы

Қазақстанның жастар құрамасының (U19) жартылай қорғаушысы Ілияс Әбіл Португалияның 19 жасқа дейінгі ұлттық чемпионаты аясында өткен ойында гол соқты.

Қазақстандық ойыншы Португалияның “Жил Висенте” клубының жастар командасында өнер көрсетеді. Оның командасы “Витория Гимарайнш” футбол клубымен кездесіп, 3:1 есебімен жеңіске жетті. Ойындағы алғашқы голды 21-минутта “Витория” ойыншысы Родриго Нето соқты. “Жил Висенте” атынан жауапты голды 44-минутта Франсиско Брас соғып, есепті теңестірді. Жеңіс голын 84-минутта Ильяс Абил соғып, өз мүмкіндігін сәтті пайдаланды. Үшінші голды 90+5 минутта Гильерме Белеза қақпаға дәл бағыттады.

Айта кетейік, Абилдың командасы 19 жасқа дейінгі Португалия чемпионатында көшбасшылық орнын сақтап келеді.