Жәнібек Әлімханұлының менеджері Андрей Михайловичпен жекпе-жекті ұйымдастырушыларға разы емес

Бокс 20 қыр 2024 12:11

4 қазанда Жәнібек Әлімханұлы Андрей Михайловичке қарсы жекпе-жек өткізеді, алайда ұйымдастыру барысындағы мәселелерге байланысты қазақстандық өзінің титулдарының бірін қорғай ма, жоқ па әзірге белгісіз және бұл оның менеджерінің наразылығын тудырды.

Жәнібек Әлімханұлы мен Андрей Михайловичтің жекпе-жегі қазірдің өзінде 2024 жылдың ең шулы оқиғаларының бірі деп айтуға болады. Олардың жазғы жекпе-жегі Жәнібектің салмақ қуу барысында есінен талып қалып, ауруханаға түсуіне байланысты кейінге шегірілді. Енді жекпе-жек қазан айына жоспарланған, бірақ оны ұйымдастыруда жаңа мәселелер пайда болды. Алғашында Әлімханұлының командасы қарсыластарының ұсынысынан бас тартты, себебі қаржылық тұрғыдан жасаған ұсынысты мардымсыз деп санады.

Жақында Әлімханұлының Михайловичпен өтетін алдағы жекпе-жекте WBO белдігін қорғамайтыны белгілі болды, бұл оның менеджері Эгис Климасқа ұнамады. Ол WBO президенті Пако Валькарсель мен Top Rank басшылығына Жәнібектің екі титулын да қорғауға дайын екенін жеткізді.

Танымал жаңалықтар