Жәнібек Әлімханұлы жеңіліп көрмеген нокаутермен жекпе-жек күні мен орнын анықтады

Бокс Бүгін 00:49

Асылхан Тоқсанбек

sports24 сарапшы

Британдық орта салмақтағы боксшы Хамза Шираз (21-0, 17 КО) 22 ақпанда Эр-Риядта (Сауд Арабиясы) келесі жекпе-жегін өткізеді.

Инсайдер Майкл Бенсонның Шираздың промоутері Фрэнк Уорренге сілтеме жасап хабарлауынша, Хамза Шираз құпия әлем чемпионымен кездеседі. Оның қарсыласы, мүмкін, орта салмақтағы WBO/IBF титулдарының иегері, қазақстандық Жәнібек Әлімханұлы (16-0, 11 КО) болады — боксшылардың тараптары қазіргі уақытта келіссөздер жүргізуде және екі рет мерзімді ұзартуды сұраған.

Фрэнк Уоррен Хамза Шираздың келесі жекпе-жегі әлем чемпионы титулы үшін өтетінін және 22 ақпанда Эр-Риядта Даниэль Дюбуа қайтып келетін кардта болатындығын хабарлады, бірақ бұл жекпе-жек Жанибек Алимханулыға немесе басқа чемпионға қарсы болатынын нақтыламады, — деп жазды Бенсон әлеуметтік желі Х-те.

Есіке салсақ, Жәнібек Әлімханұлы өзінің соңғы жекпе-жегін 4 қазанда Сиднейде өткізіп, Андрей Михайловичті нокаутқа түсірді. Хамза Шираз 21 қыркүйекте Лондонда рингке шығып, өз отандасы Тайлер Денниді мерзімінен бұрын жеңіп еді.