Жәнібек Әлімханұлы, Хамза Шираздың жекпе-жектен бас тартуына пікір білдірді
Орта салмақта WBO нұсқасы бойынша әлем чемпионы Жәнібек Әлімханұлы британдық боксшы Хамза Шираздың жекпе-жектен бас тартуына қатысты өз пікірін білдірді. Бұл жағдай жанкүйерлер арасында қызу талқыланып, Жәнібектің өзі болған оқиғаны әзілмен әрі сенімділікпен түсіндірді:
- Оларды спаррингте қатты ұрмау керек еді. Қарсыластардың қорыққаны жақсы ғой, бірақ қашқаны біраз жоспарды құртып жіберді. Бұл оқиғалардың бәрі “Қазақ стилінің” тарихындағы елеулі сәттер! Біз тоқтамаймыз! Жорық жалғаса береді!
Бастапқыда Жәнібек жеңіліп көрмеген Ширазбен чемпиондық атағын қорғау үшін шаршы алаңға шығады деп күтілген еді. Алайда британдық боксшының командасы жекпе-жектен күтпеген жерден бас тартып, Шираздың Әлімханұлымен жұдырықтасуға дайындығы туралы сұрақтар туғызды.
Жоспардың өзгеруіне қарамастан, Жәнібек сенімділігін сақтап, бұл оқиғалардың үлкен жолдың бір бөлігі екенін атап өтті.
Хоккей
Кеше 12:33
