Жұмабеков кәсіпқой рингтегі екінші жеңісіне қол жеткізді
28 қыркүйекте Алматыда қазақстандық боксшы Жұман Жұмабеков пен тәжікстандық Асрор Акпарходжаев арасында кәсіпқой бокстағы кездесу өтті, деп хабарлайды Meta-ratings.kz.
Бірінші жартылай орта салмақтағы жекпе-жек 6 раундқа созылды. Қарсыластар рингте тартысты жекпе-жек көрсетті. Жұмабеков арақашықтықты қысқартып, жақын қашықтықта күшті соққыларымен қарсыласын әлсіретті. Асрор болса, қашықтықты сақтауға тырысып, ашық шабуылдан қашып, сериялық соққылар жасады.
Жекпе-жек нәтижесінде Жұман Жұмабеков төрешілердің шешімімен жеңіске жетті. Төрешілердің есептері – 58:56, 56:58 және 58:56 қазақстандық боксшының пайдасына шешілді.
Бұл Жұман Жұмабеков үшін кәсіпқой бокстағы екінші жеңіс болды. Оның есебінде бір жеңіліс те бар. Асрор Акпарходжаев кәсіпқойлар арасындағы алғашқы жекпе-жегінде жеңіліс тапты.
Теннис
Бүгін 07:55
Футбол
Бүгін 03:35